Tbilisidə qazdoldurma məntəqəsində partlayış olub, xəsarət alan var

Tbilisinin Saburtalo rayonunda yerləşən qazdoldurma məntəqələrinin birində güclü partlayış baş verib.

“Report”un yerli bürosu xəbər verir ki, məntəqə ərazisində olan kafedə qeydə alınan partlayış yanğına səbəb olub.

Əraziyə beş yanğınsöndürən maşın cəlb edilib. Hazırda yanğın lokallaşdırılıb.

Hadisə zamanı bir nəfər xəsarət alıb. O, xəstəxanaya çatdırılıb.