Tbilisidə anbarda güclü yanğın baş verib

Tbilisinin Diğomi rayonunda yerləşən anbarda güclü yanğın baş verib.

“Report”un yerli bürosu xəbər verir ki, yanğının söndürülməsinə 12 yanğınsöndürən briqada cəlb olunub.

Güclü külək alovun söndürülməsini çətinləşdirib.

Anbarda karton qutular və şinlər saxlanılır.

Hadisə zamanı xəsarət alanların olub-olmaması barədə hələ məlumat yoxdur.