Tbilisidə 21 müxalifətçi saxlanılıb

Tbilisidə Vahid Milli Hərəkat Partiyasının (VMHP) mərkəzi qərargahı yaxınlığında 21 nəfər saxlanılıb.

“Report”un yerli bürosu xəbər verir ki, bu barədə Gürcüstanın Daxili İşlər Nazirliyindən bildirilib.

Saxlanılanlar arasında VMHP-nin liderlərindən biri Giorgi Baramidze də var.

Həmin şəxslər polisə müqavimət göstərməkdə ittiham olunurlar.