Suriyanın Türkiyə ilə sərhəd bölgəsində partlayış olub, ölənlər var

Suriyanın Türkiyə ilə sərhədyanı bölgəsində yerləşən Ras-el-Ayn şəhərində partlayış baş verib.

“Report” xəbər verir ki, bu barədə məlumatı Suriyanın SANA agentliyi yayıb.

Hadisə nəticəsində azı 4 dinc sakin həlak olub, 5 nəfər isə yaralanıb.

Qeyd olunub ki, ölənlərin 3-ü qadın, 1-i isə yaşlı kişidir. Xəsarət alanların vəziyyəti ilə bağlı məlumat verilməyib.

Eyni gün elə həmin şəhərin mərkəzi bazarında motosikl partladılıb. Hadisə nəticəsində ölən və yaralanan olmasa da, ətraf tikililərə maddi ziyan dəyib.

Qeyd edək ki, Ras-el-Ayn daxil olmaqla, Suriyanın Türkiyə ilə sərhədyanı bölgəsi müxalifətin nəzarəti altındadır.