Serj Sarqsyan məhkəmə qarşısına çıxarılır

Ermənistanın sabiq prezidenti Serj Sarqsyana dair məhkəmə istintaqının ilk iclası fevralın 25-nə təyin olunub.

“Report” bu barədə “Sputnik Armania”ya istinadən xəbər verir.

Bundan əvvəl Ermənistan Xüsusi İstintaq Xidməti sabiq dövlət başçısına 1 milyon ABŞ dollarından çox dövlət vəsaitinin israfçılıq yolu ilə dağıdılmasında təşkilatçı qismində iştirak etməklə bağlı ittiham irəli sürüb. 

S.Sarqsyan isə bu ittihamı siyasi təzyiq olaraq qəbul edib. Bu il yanvarın 20-də istintaqın başa çatdığı, materialların məhkəməyə göndərildiyi açıqlanıb.

Eyni cinayət işi çərçivəsində külli miqdarda mənimsəmə və ya israf maddəsi ilə keçmiş kənd təsərrüfatı naziri Serqo Karapetyana qarşı da ittiham irəli sürülüb.