Türkiyədə avtobus qəzasında ölənlərdən ikisi Azərbaycan vətəndaşıdır

Dekabrın 18-də Türkiyənin Qars şəhərinin Sarıqamış rayonunda baş verən faciəvi avtobus qəzasında 2-si Azərbaycan vətəndaşı olmaqla 4 nəfər həyatını itirib.

"Report" xəbər verir ki, bu barədə Azərbaycanın Türkiyədəki Səfirliyi tviter səhifəsində məlumat yayıb.

Məlumatda deyilir:

"Bütün dünyasını dəyişən qardaşlarımıza Allahdan rəhmət, yaxınlarına başsağlığı və səbr, yaralananlara isə tezliklə şəfa diləyirik".

Səfirlik bildirir ki, Qarsda baş vermiş avtobus qəzasında vəfat edənlərin və yaralıların yaxınları məlumat əldə etmək üçün Azərbaycanın bu şəhərdəki baş konsulluğu ilə +90 543 310 42 92 telefon nömrəsi vasitəsi ilə əlaqə saxlaya bilərlər.

Dün akşam saatlerinde Kars'ın Sarıkamış ilçesinde yaşanan feci otobüs kazasında 2'si Azerbaycan vatandaşı olmak üzere 4 kişi hayatını kaybetti.
Vefat eden tüm kardeşlerimize Allah'tan rahmet, yakınlarına başsağlığı ve sabır, yaralılara acil şifalar diliyoruz.#Kars

— AzEmbassyTurkey (@AzEmbassyTurkey) December 19, 2021