Rusiyanın XİN başçısı ABŞ-da səfərdədir

Rusiyanın Xarici İşlər naziri Sergey Lavrov Vaşinqtonda səfərdədir.

"Report" TASS-a istinadən xəbər verir ki, rusiyalı nazirin səfəri bir gün çəkməyəcək, amma səfər proqramı çox zəngindir.

S.Lavrovun Vaşinqtonda ABŞ Prezidenti Donald Tramp tərəfindən qəbul ediləcəyi, dövlət katibi Maykl Pompeo ilə danışıqlar aparacağı, eləcə də amerikalı politoloqlarla görüşəcəyi gözlənilir.

Rusiya XİN başçısı bundan əvvəl 2017-ci ildə ABŞ paytaxtına səfər etmişdi.