Bakı. 13 noyabr. REPORT.AZ/ Rusiyanın Ermənistanın Gümrü şəhərində yerləşən 102 saylı hərbi bazasında xidmət edən əsgərlər arasında dava olub.
“Report” Ermənistan KİV-inə istinadən xəbər verir ki, sakinlər noyabrın 13-də iki nəfərin qışqırıb söyüş söydüklərini və dalaşdığını görüblər.
Sonradan onların Gümrüdəki hərbi hissənin əsgərləri - artilleriya diviziyasının ikinci batareyasının rabitəçisi, 21 yaşlı sıravi Vladislav Romadin və həmin hərbi bazanın sürücüsü, 20 yaşlı sıravi Dmitri Krasnin olduğu müəyyən edilib.