Rusiyanın energetika naziri İrana səfər edəcək

Bakı. 30 noyabr. REPORT.AZ/ Rusiyanın energetika naziri Aleksandr Novak dekabrın 13-də İrana səfər edəcək.

“Report” İran KİV-inə istinadən xəbər verir ki, bunu Rusiyanın Tehrandakı səfiri Levan Caqaryan bildirib.

Səfirin sözlərinə görə, A.Novak Rusiya-İran birgə İqtisadi Komissiyasının iclasında iştirak edəcək. O deyib ki, İranla Rusiya arasında iş adamlarına vizaların verilməsinin asanlaşdırılmasına dair razılıq əldə olunub.

Qeyd edək ki, noyabrın 28-də Rusiyanın dövlət başçısı Vladimir Putinlə İran prezidenti Həsən Ruhani arasında telefon danışığı olub. Prezidentlər neft hasilatı ilə bağlı iki ölkənin fəaliyyətinin uzlaşdırılmasına dair razılıq əldə ediblər.