Bakı. 19 dekabr. REPORT.AZ/ Rusiyanın Nene Muxtar Dairəsinin mərkəzi Naryan-Mare şəhərində “An-2” yüngül mühərrikli təyyarənin qəzaya düşməsi nəticəsində biri uşaq olmaqla 4 nəfər ölüb, 11 nəfər xəsarət alıb.
“Report” "RİA Novosti”yə istinadən xəbər verir ki, bu barədə Rusiya Fövqəladə Hallar Nazirliyinin Mətbuat xidməti məlumat yayıb.
Qəza təyyarə havaya qalxarkən baş verib.
“An-2”nin göyərtəsində 13 sərnişin və iki pilot olub. Xəsarət alanlar xəstəxanaya yerləşdiriliblər.
Qəzanın səbəbi araşdırılır.