Bakı. 2 dekabr. REPORT.AZ/ Rusiyada sərnişin avtobusu qəzaya uğrayıb.
"Report" bu ölkənin mətbuatına istinadən xəbər verir ki, hadisə Krasnodarda, Mərkəzi mikrorayonda, Sülh küçəsində qeydə alınıb.
Avtobusun minik avtomobili ilə toqquşması nəticəsində 14 nəfər xəsarət alıb. Onlardan birinin vəziyyəti orta ağırdır.
Hələlik hadisənin başvermə səbəbi barədə geniş məlumat verilmir.