Rusiyada Qələbə Paradının keçirilməsi təxirə salındı

Mayın 9-da Rusiyanın paytaxtı Moskva şəhərində Böyük Vətən Müharibəsində Qələbənin 75 illiyi münasibətilə keçirilməsi planlaşdırılan parad təxirə salınıb. 

"Report" "RİA Novosti"yə istinadən xəbər verir ki, bu barədə Rusiya prezidenti Vladimir Putin Təhlükəsizlik Şurasının iclasında məlumat verib.

Dövlət başçısı deyib ki, koronavirusun yayılması təhlükəsi bayram tədbirinə hazırlıq görməyi əngəlləyir. 

V.Putin Qələbə Paradı və "Ölməz alay"ın yürüşü kimi bütün kütləvi tədbirlərin daha sonra il ərzində keçiriləcəyini vurğulayıb.