Rusiyada koronavirusa yoluxanların sayı 960 mini ötdü

Rusiyada son bir gündə daha 4 744 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 961 493 nəfərə çatıb. Ölkədə virusdan ölənlərin sayı isə daha 65 nəfər artaraq 16 448-ə yüksəlib. 

Bundan başqa, Rusiyada indiyədək koronavirusa yoluxan 773 093 nəfər sağalıb.