Rusiyada daha 117 nəfər koronavirusdan ölüb

Rusiyada son bir gündə daha 4 828 nəfərə COVID-19 diaqnozu qoyulub.

“Report” xəbər verir ki, bu barədə ölkənin Operativ Qərargahı məlumat yayıb.

Qeyd olunub ki, bununla da Rusiyada koronavirusa yoluxanların sayı 937 321 nəfərə çatıb. Ölkədə virusdan ölənlərin sayı isə daha 117 nəfər artaraq 15 989-a yüksəlib. 

Bundan başqa, Rusiyada indiyədək koronavirusa yoluxan 749 423 nəfər sağalıb. Bildirilib ki, yeni yoluxmaların əksəriyyəti paytaxt Moskvada aşkarlanıb – 691 nəfər.