Rusiya Ukraynada əsir götürdüyü 10 əcnəbini azad edib

Rusiya Ukraynada hərbi əməliyyatlar zamanı əsir götürülən 10 əcnəbi hərbçini azad edib.

“Report” “Reuters”ə istinadən xəbər verir ki, bu proses Səudiyyə Ərəbistanının vəliəhd şahzadəsi Məhəmməd bin Salman Əl Səudun vasitəçiliyi ilə baş tutub.

Belə ki, ABŞ, Böyük Britaniya, İsveç, Xorvatiya və Mərakeş vətəndaşları əsirlikdən azad edilib. Onları daşıyan təyyarə artıq Səudiyyə Ərəbistanına eniş edib.