Robert Koçaryan növbədənkənar parlament seçkilərində iştirak edəcək

Bakı. 31 avqust. REPORT.AZ/ Ermənistanın keçmiş prezidenti Robert Koçaryan növbədənkənar parlament seçkilərində iştirak edəcək. 

"Report" xəbər verir ki, bunu sabiq dövlət başçısı "Sputnik-Ermənistan"a müsahibəsində bildirib.

"Siyasətə qayıtdığımı elan etmişəmsə, buna uyğun olaraq, seçkilərə də qatılacağam", - R.Koçaryan deyib.

Onun sözlərinə görə, hazırkı mərhələdə onun siyasətdəki iştirakının formatını müzakirə etmək çox tezdir, çünki bunun üçün hələ kifayət qədər vaxt var: "Vəziyyət çox sürətlə inkişaf edir. Hesab edirəm ki, format məsələsini açıq saxlamaq lazımdır".

Sabiq prezident gələcək siyasi mübarizədə Respublika Partiyası və "Çiçəklənən Ermənistan" Partiyası ilə birlikdə hərəkət edəcəklərini istisna etməyib.