Rafael Qrossi: "Ukrayna AES-lərindən rusiyalı hərbçilərin çıxarılması müzakirə olunmalıdır"

“Ukraynanın Çernobil və Zaporojye atom elektrik stansiyalarından Rusiya hərbçilərinin çıxarılması məsələsi müxtəlif səviyyələrdə, o cümlədən Ukrayna-Rusiya danışıqlarında gündəmə gətirilməlidir”.

“Report” UNİAN-a istinadən xəbər verir ki, bunu Beynəlxalq Atom Enerjisi Agentliyinin (IAEA) rəhbəri Rafael Qrossi Cənubi Ukrayna AES əməkdaşları ilə görüşündə bildirib.

“Əlbəttə ki, atəşkəsin tezliklə əldə olunacağına, Ukrayna ilə Rusiya arasında hazırda aparılan danışıqların sülhlə nəticələnəcəyinə ümidvarıq”, – o, qeyd edib.