​Qırğız Respublikası parlamentinin sədri qardaşına görə istefa verib

Bakı. 13 aprel. REPORT.AZ/ Qırğız Respublikası parlamentinin sədri Asılbek Jeenbekov istefa verib.

"Report" xəbər verir ki, bu haqda qırğız KİV-i məlumat yayıb.

O, istefasını qardaşı Sooronbay Jeenbekovun Qırğız Respublikasının baş naziri təsdiqlənməsi ilə əlaqələndirib: "6 il bir yerdə işlədik. İki dəfə parlamentin sədri seçildim. Etimadınıza görə sizə təşəkkür edirəm. Baş nazirliyə qardaşımın namizədliyi irəli sürüldüyündən səlahiyyətimi təhvil verirəm".

Qeyd edək ki, bu gün ölkə parlamenti Sooronbay Jeenbekovun namizədliyini təsdiqləyib.