Qazaxıstanda binada partlayış olub, 3 nəfər ölüb, 8 nəfər dağıntılar altında qalıb

Bakı. 27 fevral. REPORT.AZ/ Qazaxıstanın Taraz şəhərində 4 mərtəbəli yaşayış binasında baş verən partlayış nəticəsində 3 nəfər ölüb, 6 nəfər ağır yaralanıb. 

“Report” “Sputnik - Qazaxıstan”a istinadən xəbər verir ki, 8 nəfər isə dağıntılar altında qalıb.

Çoxmənzilli binanın ikinci mərtəbəsində baş verən hadisəyə səbəb kimi qaz sızması göstərilib. 

Dağıntılar altında qalan şəxslərin xilas edilməsi istiqamətində işlər davam etdirilir. Binanın 100-dən çox sakini təxliyyə olunub.