“İnstagram” İran İnqilab Keşikçiləri Qvardiyası komandanının səhifəsini bağlayıb

“İnstagram” İran İnqilab Keşikçiləri Qvardiyasının Qüds qolunun komandanı Qasım Süleymaninin səhifəsini bağlayıb.

“Report” xəbər verir ki, məlumatı “Sabah” yayıb.

Bildirilib ki, onun 888 min izləyicisi var.

Onun səhifəsinin bağlanmasına səbəb ABŞ-ın İran İslam İnqilabı Keşikçiləri Qvardiyasını “xarici terrorçu təşkilat” kimi tanımasıdır. 

Bundan əlavə, İnqilab Keşikçiləri Qvardiyasının komandiri Məhəmmədəli Cəfəri, qvardiyanın quru qoşunlarının komandiri Məhəmməd Pakpurun da səhifələrinə giriş mümkün olmayıb.