Qardabanidə koronavirusa yeni yoluxma halları təsdiqlənib

Gürcüstanda son sutkada qeydə alınan koronavirusa 165 yeni yoluxma halının 9-u azərbaycanlıların yığcam yaşadıqları Qardabani rayonunun payına düşüb.

“Report”un yerli bürosu xəbər verir ki, bunu Tbilisi Yoluxucu Xəstəliklər Xəstəxanasının tibbi direktoru Marina Ezuqbaya jurnalistlərə açıqlamasında bildirib.

Onun sözlərinə görə, halların böyük əksəriyyəti 109 olmaqla Acarıstanda qeydə alınıb.

Həkim xüsusi rejimli xəstəxanalarda 977 aktiv xəstənin müalicə olunduğunu deyib: “Onların 5-nin vəziyyəti kritik, təxminən 30-nun durumu isə ağır qiymətləndirilir”.