Cenevrədə Rusiya və ABŞ prezidentləri arasında görüş başlayıb - YENİLƏNİB

Cenevrədə Rusiya və ABŞ prezidentləri arasında görüş başlayıb - YENİLƏNİB Rusiya prezidenti Vladimir Putin ABŞ prezidenti Cozef Baydenlə görüşmək üçün İsveçrənin Cenevrə şəhərində səfərdədir.
Region
297
16 İyun , 2021 15:29
Cenevrədə Rusiya və ABŞ prezidentləri arasında görüş başlayıb - YENİLƏNİB
Cozef Bayden və Vladimir Putin

ABŞ prezidenti Cozef Baydenlə Rusiya prezidenti Vladimir Putin arasında görüş başlayıb.

“Report” xəbər verir ki, məlumatı TASS yayıb.

15:04

Rusiya prezidenti Vladimir Putin ABŞ prezidenti Cozef Baydenlə görüşmək üçün İsveçrənin Cenevrə şəhərində səfərdədir.

“Report” xəbər verir ki, məlumatı “RİA Novosti” yayıb.

Bir müddət əvvəl Kremldən bildirilmişdi ki, görüş üç hissədən ibarət olacaq: dar çərçivədə və çay fasiləsi ilə iki genişləndirilmiş iclas. Görüşün 4 saat 45 dəq. sürəcəyi gözlənilir.

Dövlət başçıları saat 20:00-da mətbuat konfransı keçirəcəklər.

Vladimir Putinin başçılıq etdiyi nümayəndə heyətinə Rusiya prezidentinin köməkçisi Yuri Uşakov, xarici işlər naziri Sergey Lavrov, prezidentin mətbuat katibi Dmitri Peskov, Rusiyanın ABŞ-dakı səfiri Anatoli Antonov, Rusiya Silahlı Qüvvələrinin Baş Qərargah rəisi Valeri Gerasimov, Rusiya XİN başçısının müavini Sergey Ryabkov, Prezident Administrasiyası başçısının müavini Dmitri Jkozak və RF prezidentinin Suriya üzrə xüsusi nümayəndəsi Aleksandr Lavrentyev daxildir.

Cozef Baydenin başçılıq etdiyi nümayəndə heyətinə dövlət katibi Entoni Blinken, siyasi məsələlər üzrə dövlət katibinin müavini Viktoriya Nuland, ABŞ-ın Rusiyadakı səfiri Con Sallivan, Rusiya üzrə milli təhlükəsizlik şurasının baş direktoru Erik Qrin və prezidenti milli təhlükəsizlik məsələləri üzrə köməkçisi Cek Sallivan daxildir.

Bu, Vladimir Putinlə ABŞ-ın keçmiş prezidenti Donald Tramp arasında 2018-c ildə Finlandiyanın Helsinki şəhərindəki danışıqlardan sonra ilk görüşdür.

Qeyd edək ki, görüş La Qranj malikanəsində keçiriləcək.

Son xəbərlər

Orphus sistemi