Nikol Paşinyan keçmiş prezidentin silahdaşını nazir təyin edəcək

Bakı. 4 oktyabr. REPORT.AZ/ Ermənistanın Baş naziri Nikol Paşinyan keçmiş prezident Serj Sarqsyanın silahdaşı, deputat Feliks Çolakyanı ölkənin fövqəladə hallar naziri təyin edəcək.

“Report” Ermənistan KİV-inə istinadən xəbər verir ki, bunu F.Çolakyanın özü bildirib.

“Bəli, mən belə bir təklif almış və qəbul eləmişəm”, - deyə deputat vurğulayıb.

Qeyd edək ki, Feliks Çolakyan əvvəllər Serj Sarqsyanın Respublikaçılar Partiyasının parlamentdəki fraksiyasının üzvü olub. Ancaq bu ilin mayın 1-də parlamentdə Nikol Paşinyanın baş nazir olmasına səs verərək fraksiyanı tərk edib.