Nikol Paşinyan evini satışa çıxarıb

Ermənistanın baş naziri Nikol Paşinyan paytaxt Yerevandakı mənzilini satır.

“Report” “NEWS.am”a istinadən xəbər verir ki, evə 85 min ABŞ dolları qiymət qoyulub. 

Mənzil fevralın 27-də - ölkədə koronavirus yayılmamışdan əvvəl satışa çıxarılıb.

Bu mənzil Yerevanda “Hayrenik” kinoteatrının yanında yerləşir. Ermənistan qanunlarına əsasən, istefada olan baş nazirə mənzil verilmir. Bu baxımdan onlar mənzili satıb yenisini almaq istəyirlər. 

Nikol Paşinyan çıxışlarında ev istəyənlərə cavab olaraq demişdi: “Əlin-qolun, sağlığın yerindədir. Ona görə, ilk növbədə, özünün ev məsələsini həll elə. Aydındır? Mənim də evim yox idi. Haradandır evim? Mən 24 saat işləyərək özümə ev qurmuşam”. İndi bu mənzili sataraq yenisini əldə etmək qərarına gəlib.