Mövlud Çavuşoğlu: "İdlib məsələsi ilə əlaqədar Rusiya-Türkiyə sammiti keçirməyə ehtiyac yoxdur"

Bakı. 14 dekabr. REPORT.AZ/ "Bizə sammit keçirmək lazım deyil. Sözün əsl mənasında müxtəlif səviyyələrdə işləməyə davam edirik. Sammit keçirmək üçün hansısa fövqəladə hadisə də baş verməyib".

"Report" RİA "Novosti"yə istinadən xəbər verir ki, bunu Türkiyənin xarici işlər naziri Mövlud Çavuşoğlu Bakıda Suriyanın İdlib regionu üzrə növbəti Rusiya-Türkiyə sammitinin vaxtı barədə sualı cavablandırarkən deyib.

Nazirin sözlərinə görə, Rusiya və Türkiyənin hərbi qurumları, kəşfiyyatları və Xarici İşlər Nazirlikləri sıx əməkdaşlıq şəklində işləyirlər.