Moskvada təyyarənin yanması zamanı ölənlərin hamısının meyiti çıxarılıb

Moskvanın "Şeremetyevo" hava limanında qəza enişi zamanı yanan "Sukhoi Superjet 100" təyyarəsinin göyərtəsindən ölənlərin hamısının meyiti çıxarılıb.

Bu barədə "Report" Rusiya KİV-nə istinadən xəbər verir.

Təcili Xidmət orqanlarının məlumatına görə, bu ana qədər 41 meyit çıxarılıb. Onların əksəriyyəti tanınması və ekspertiza aparılması üçün Moskvada məhkəmə ekspertizasının morquna çatdırılıb.

Qəza yerində təcili görülməli olan işlər tamamlanıb. Hazırda "Şeremetyevo" hava limanında tədricən adi iş rejimi bərpa olunur.

Dəqiqləşdirilmiş məlumatlara görə, hadisə zamanı 40 sərnişin və 1 ekipaj üzvü ölüb. Ölənlər arasında bir ABŞ vətəndaşı da var.