Lukaşenko: “Rusiyalılar bizi dəstəkləməlidirlər”

“Xarici aqressiyanın olduğu təqdirdə əsası Belarus ordusu olan ortaq silahlı qüvvələr dəstəsi fəaliyyətə başlamalıdır. Rusiyalılar isə bizi dəstəkləməli və bizimlə hərəkət etməlidirlər”.

“Report” “BelTA”ya istinadən xəbər verir ki, bunu Belarus prezidenti Aleksandr Lukaşenko söyləyib.

Onun sözlərinə görə, hazırda ölkə ərazisində Rusiyanın hərbi qulluqçusu yoxdur. O qeyd edib ki, respublikanın öz suverenliyi və ərazi bütövlüyünü qorumaq üçün gücü yetərincədir.