Kuleba: “Rusiya ərazisinə zərbə endirmək üçün qırıcılardan və uzaqmənzilli silahlardan istifadə etməyəcəyik”

"Ukrayna Rusiya ərazisinə zərbə endirmək üçün qırıcılardan və uzaqmənzilli silahlardan istifadə etməyəcək".

“Report” xəbər verir ki, bunu Ukraynanın xarici işlər naziri Dmitro Kuleba “Sky News”a bildirib.

Onun sözlərinə görə, Qərbdə istehsal olunan uzaqmənzilli silahlardan və qırıcılardan Ukrayna ərazilərinin azad edilməsi üçün istifadə olunacaq.

"Qərbdə istehsal olunan silahlardan Ukrayna ərazilərini azad etmək üçün istifadə edəcəyimizə zəmanət verə bilərik", - Kuleba bildirib.

Xatırladaq ki, daha əvvəl ABŞ-ın Ukraynaya 72 kilometrdən çox məsafəyə malik olan uzaqmənzilli JDAM-ER bombaları təhvil verəcəyi barədə məlumatlar yayılıb.