Köçəryan xəstəxanaya yerləşdirilib

Ermənistanın sabiq prezidenti Robert Köçəryan xəstəxanaya yerləşdirilib.

"Report" xəbər verir ki, bu barədə "Aysor" məlumat yayıb.

Bildirilib ki, hüquq-mühafizə orqanlarının əməkdaşları Köçəryanı Korrupsiyaya Qarşı Mübarizə Komitəsinə aparıblar və orada onun səhhəti pisləşib.

Bu gün daha əvvəl məlumat verilmişdi ki, Ermənistanın Korrupsiyaya Qarşı Mübarizə Komitəsinin apardığı cinayət istintaqı çərçivəsində 6 nəfər, o cümlədən Robert Köçəryan, onun oğlu Sedrak və cinayət sxemlərində əli olduğu ehtimal edilən digər şəxslər saxlanılıb.