KİV: İranın Qətərdəki 6 milyard dollarıq aktivlərə çıxışı var

İranın hələ də ABŞ-ın məhbus mübadiləsi müqaviləsi çərçivəsində blokdan çıxararaq Qətərdəki xüsusi bank hesablarına köçürdüyü 6 milyard dollarlıq aktivlərə çıxışı var.

“Report” xəbər verir ki, bu barədə İranın Ali Milli Təhlükəsizlik Şurasına yaxın olduğu güman edilən “Nournews” portalı məlumat yayıb.

Portal qeyd edib ki, İranın Qətər banklarında yerləşən valyuta aktivlərinə çıxışı məsələsində heç bir dəyişiklik baş verməyib, bağlanmış müqavilə qüvvədə qalır.

ABŞ-ın dövlət katibi Entoni Blinken isə Təl-Əvivdə keçirdiyi mətbuat konfransında deyib ki, rəsmi Vaşinqton İrana məxsus 6 milyard dolları yenidən dondurmaq hüququnu özündə saxlayır.