İrəvanda 6 avtomobilin iştirakı ilə zəncirvari qəza olub, xəsarət alanlar var

Ermənistanın paytaxtı İrəvanda zəncirvari yol qəzası nəticəsində bir neçə nəfər yaralanıb.

"Report" xəbər verir ki, bu barədə Ermənistan mətbuatı məlumat yayıb.

Hadisə sentyabrın 19-u səhər saat 05:30 radələrində baş verib.

Yol qəzası nəticəsində iki nəfər "Erebuni" tibb mərkəzinə yerləşdirilib.

Hüquq-mühafizə orqanlarının əməkdaşları qəzanın başvermə səbəblərini araşdırır.