İranda daşqınlar nəticəsində 9 nəfər ölüb

İranın cənubunda leysan yağışların sbəb olduğu daşqınlar nəticəsində 9 nəfər ölüb.

Bu barədə “Report” yerli mətbuata istinadən xəbər verir.

İranın Milli Antiböhran İdarəsinin rəisi İsmayıl Neccar son sel və yağışlarda Fars əyalətində 5, Kirmanda 2, Sistan-Bəlucistan əyalətində 2 olmaqla, 9 nəfərin həyatını itirdiyini bildirib.

O, şiddətli yağışların 101 şəhər və 309 bölgəyə zərər vurduğunu xatırladıb. Qeyd edib ki, 17 əyalətdə vətəndaşlara yardımların çatdırılması davam edir.

Daha əvvəl Fars əyalətinin Darab rayonunun Yanğınsöndürmə İdarəsinin rəhbəri Mücahid Debistani İranın cənubunda leysan yağışların səbəb olduğu sel fəlakəti və ildırım vurması nəticəsində 3 nəfərin həyatını itirdiyini bildirib.