İranın tanınmış dövlət xadimi vəfat edib

Bakı. 25 dekabr. REPORT.AZ/ İranın Məsləhət Şurasının sədri Mahmud Haşimi-Şahrudi vəfat edib.

“Report” “Farsnews”a istinadən xəbər verir ki, o, 70 yaşında dünyasını dəyişib.

Qeyd edək ki, Mahmud Haşimi-Şahrudi 1948-ci ildə İraqın Nəcəf şəhərində anadan olub. O, həm İraq və İran vətəndaşı idi. Mahmud Haşimi-Şahrudi 1999-2009-cu illərdə İranın baş prokuroru vəzifəsində işləyib. 2017-ci ildə İranın Məsləhət Şurasının sədri, keçmiş prezident Əliəkbər Haşimi Rəfsəncani vəfat edib. Bundan sonra İranın ali rəhbəri ayətullah Seyid Əli Xamənei Mahmud Haşimi-Şahrudini şuranın rəhbəri təyin edib. 

Xatırladaq ki, İran Məsləhət Şurası 1988-ci il fevralın 6-da təsis edilib. Həmin tarxidə bu vəzifəyə Haşimi Rəfsəncani təyin olunmuşdu. Prezident olduğu dövr istisna edilməklə o, 2017-ci ilədək quruma rəhbərlik edib.