İranda 13 terrorçu öldürülüb

Bakı. 11 iyun. REPORT.AZ/ İran hərbçiləri ilə terrorçu PKK silahlıları arasında ölkənin şimal-qərbində bir sutka ərzində baş verən atışma nəticəsində 13 terrorçu məhv edilib, 3-ü yaralı ələ keçirilib.

“Report” “Tasnim” agentliyinə istinadən xəbər verir ki, bunu İran İnqilab Keşikçiləri Qvardiyasının Quru Qoşunlarının komandanı, general Məhəmməd Pakpur bildirib.

Onun sözlərinə görə, Qərbi Azərbaycan əyalətinin Üşnəviyyə rayonunda 7, Kürdüstan əyalətinin Sərvabad rayonunda 6 terrorçu məhv edilib.

M.Pakpur terrorçu qruplaşmanın adını açıqlamasa da, İran hərbçiləri ilə terrorçu PKK-nın İslam Respublikasındakı qolu “PJAK” silahlıları arasında tez-tez atışma baş verir.