İran prezidentinin qardaşı barədə hökm çıxarılıb

İran Prezidenti Həsən Ruhaninin qardaşının cəzası 7 ildən azaldılaraq 5 ilə endirilib.

“Report” “Tasnim”ə istinadən xəbər verir ki, bu barədə İranın Məhkəmə Sisteminin rəsmisi məlumat verib.

Bildirilib ki, Hüseyn Feredun rüşvət almaqda təqsirli bilinərək azadlıqdan məhrum olunub. Məhkəmənin qərarına əsasən, İran hökuməti başçısının qardaşı iri məbləğdə cərimə də ödəməlidir. Eyni zamanda 31 milyard rialdan çox (təxminən, 730 min dollar) cərimə cəzasının da azaldılacağı gözlənilir.

Qeyd edək ki, Hüseyn Feredun 2017-ci ildə həbs edilib.