Gürcüstanda yük qatarı relsdən çıxıb

Tbilisi. 14 dekabr. REPORT.AZ/ Gürcüstanda yük qatarının üç vaqonu relsdən çıxıb.

“Report”un Gürcüstan bürosu xəbər verir ki, hadisə bu gün səhər saatlarında Samtsxe Cavaxeti bölgəsinin Ninotsminda rayonunda, Satxa kəndi yaxınlığında baş verib.

Hadisə nəticəsində xəsarət alanların olması barədə məlumat yoxdur. Qəzanın baş vermə səbəbi isə hələ məlum deyil.

“Gürcüstan Dəmir Yolları” SC-nin hadisə ilə bağlı açıqlama yayacağı gözlənilir.