Gürcüstanda son sutkada koronavirusdan 36 nəfər ölüb

Gürcüstanda ötən sutkada koronavirusa 2 922 yeni yoluxma faktı təsdiqlənib, 36 nəfər vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Qonşu ölkədə indiyədək COVID-19-a 889 286 nəfərin yoluxduğu müəyyən olunub, onların 12 731-i ölüb.

Son 24 saat ərzində 4 999, ümumilikdə isə 832 675 nəfər müalicə olunaraq sağalıb.