Mərkəz rəhbəri: “Gürcüstanda qrip virusunun yayılması artıb”

“Gürcüstanda ambulator xəstələrdə qrip virusunun yayılması ötən həftə ilə müqayisədə artıb”.

“Report”un yerli bürosu xəbər verir ki, bunu ölkənin Xəstəliklərə Nəzarət və İctimai Sağlamlıq Milli Mərkəzinin elmi rəhbəri Paata İmnadze bildirib.

Onun sözlərinə görə, hazırda ölkədə 100 min nəfərə 220 qripə yoluxma halı düşür: “Ötən ilin eyni dövrü ilə müqayisədə bu göstərici kifayət qədər aşağıdır”.

P.İmnadze qeyd edib ki, Gürcüstanda qrip mövsümünün aprel ayının əvvəlinə qədər davam edəcəyi gözlənilir.