Gürcüstanda koronavirusdan ölən 5-ci şəxs Bolnisi sakinidir - YENİLƏNİB

Gürcüstanda koronavirusdan dünyasını dəyişən beşinci pasiyent Bolnisi sakini olub.

“Report”un yerli bürosu xəbər verir ki, bu barədə Tbilisinin 1 saylı Universitet Klinikasından bildirilib.

İki həftə xəstəxanada müalicə olunan 68 yaşlı kişi süni tənəffüs aparatına qoşulub və miokard infarktı keçirib.

Koronavirus infeksiyası pasiyentin vəziyyətini ağırlaşdırdığından onun həyatını xilas etmək mümkün olmayıb. 

*** 11:15

Gürcüstanda koronavirusa yoluxan daha 1 nəfər ölüb.

“Report”un yerli bürosu xəbər verir ki, bu barədə Gürcüstan hökumətinin koronavirusla bağlı xüsusi rəsmi saytında bildirilib.

Bununla da qonşu ölkədə bu xəstəlikdən dünyasını dəyişənlərin sayı 5-ə çatıb.