Gürcüstanda koronavirusa 569 yeni yoluxma qeydə alınıb

Gürcüstanda son sutka ərzində koronavirusa 569 yeni yolxma halı qeydə alınıb, 329 nəfər sağalıb, 9 pasiyent isə vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə indiyədək təsdiqlənən COVID-19-a yoluxma hallarının sayı 12 841-ə çatıb. Sağalanların sayı 6 867, vəfat edənlərin sayı isə 102 olub.

Karantində 5 590, stasionar nəzarətdə isə 836 nəfər saxlanılır. Xəstəliyi yüngül keçirən 1 393 nəfər isə xüsusi otellərdə müalicə olunur.