Gürcüstanda daha 8 767 nəfərdə koronavirus aşkarlanıb, 49 nəfər ölüb

Gürcüstanda ötən sutkada daha 8 767 nəfərə koronavirus diaqnozu qoyulub, 49 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Bununla da qonşu ölkədə indiyədək COVID-19-a yoluxanların sayı 1 030 710-a, ölənlərin sayı isə 14 631-ə çatıb.

Son 24 saat ərzində 5 173, ümumilikdə isə 951 428 nəfər müalicə olunaraq sağalıb.