Gürcüstanda daha 656 nəfər koronavirusa yoluxub

Gürcüstanda ötən sutkada daha 656 nəfərdə koronavirus aşkarlanıb, 861 nəfər müalicə olunaraq sağalıb.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Son 24 saatda 17 ölüm halı qeydə alınıb.

Hazırkı dövrədək qonşu ölkədə COVID-19-a 361 484 nəfər yoluxub. Onların 347 653-ü sağalıb, 5 228-i dünyasını dəyişib.