Gürcüstanda daha 508 nəfərdə koronavirus aşkarlanıb

Gürcüstanda son sutkada daha 508 nəfərin koronavirusa yoluxduğu təsdiqlənib.  

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Bununla da qonşu ölkədə COVID-19-a ümumi yoluxma göstəricisi 9 753 nəfərə çatıb. Onların 4 887-si sağalıb, 58-i isə vəfat edib. 

Karantin zonalarında 5 655, stasionar nəzarətdə 836 nəfər saxlanılır. 1 230 asimptomatik xəstə isə xüsusi otellərdə müalicə alır.