Gürcüstanda son sutkada onlarla insan koronavirusdan ölüb

Gürcüstanda son sutkada koronavirus 2 654 yeni yoluxma faktı qeydə alınıb, 1 319 nəfər müalicə olunaraq sağalıb, 33 pasiyent vəfat edib.

“Report”un yerli bürosu xəbər verir ki, bu barədə ölkənin Xəstəliklərə Nəzarət və İctimai Sağlamlıq Milli Mərkəzindən bildirilib.

Hazırkı dövrədək qonşu ölkədə COVID-19-a 422 188 nəfərin yoluxduğu müəyyən edilib. Onların 384 712-si sağalıb, 5 853-ü ölüb.

Bu günə olan aktiv xəstə sayı 31 597 nəfər təşkil edir.