Gürcüstanda daha 33 nəfər koronavirusdan ölüb

Gürcüstanda son sutkada koronavirusa 1 071 yeni yoluxma halı təsdiqlənib, 680 nəfər sağalaraq evə buraxılıb, 33 pasiyent vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

İndiyədək qonşu ölkədə COVID-19 infeksiyasına 336 840 nəfərin yoluxduğu müəyyən edilib. Onların 317 069-u sağalıb, 4 602-si ölüb.

Ötən 24 saat ərzində aparılan test yoxlamalarının sayı 29 985 təşkil edir.