Gürcüstanda daha 1 354 nəfərdə koronavirus aşkarlanıb

Gürcüstanda ötən sutkada koronavirusa 1 354 yeni yoluxma faktı qeydə alınıb, 821 nəfər müalicə olunaraq sağalıb, 15 pasiyent vəfat edib.

“Report”un yerli bürosu xəbər verir ki, bu barədə Gürcüstan hökumətinin xüsusi rəsmi saytında bildirilib.

Hazırkı dövrədək qonşu ölkədə COVID-19 infeksiyasına 339 315 nəfər yoluxub. Onların 320 777-si sağalıb, 4 654-ü isə ölüb.

Son 24 saat ərzində 30 mindən çox test yoxlaması aparılıb.