Gürcüstanda çeçenlər arasında münaqişə olub, ölən və yaralananlar var

Gürcüstanda kistinlər (etnik çeçenlər) yaşadığı Pankisi dərəsində qanlı qarşıdurma baş verib.

“Report”un yerli bürosu xəbər verir ki, Sakobianu kəndində iki nəsil arasında olan münaqişənin kəskinləşməsi nəticəsində dava baş verib. 

Hadisə zamanı bir nəfər ölüb, dörd nəfər isə yaralanıb.

Qanlı olayın dəqiq səbəbi hələlik məlum deyil. Tərəflər arasında ədavətin Pankisidə SES-in inşası ilə bağlı olduğu bildirilir.