Gürcüstanda 20-dən çox polis əməkdaşında koronavirus aşkarlanıb

Son sutkada Gürcüstanın Daxili İşlər Nazirliyinin (DİN) 13 əməkdaşına koronavirus diaqnozu qoyulub.

“Report”un yerli bürosu xəbər verir ki, bu barədə DİN-dən bildirilib.

Həmin şəxslər qurumun müxtəlif struktur bölmələrində çalışırlar.

Yoluxma hallarının 10-u Acarıstanda qeydə alınıb.

Hüquq mühafizə orqanlarının əməkdaşları müvafiq müalicə alırlar. Vəziyyətləri sabit kimi qiymətləndirilir.

Qeyd edək ki, son günlərdə qonşu ölkədə 11 polis əməkdaşının COVID-19-a yoluxduğu müəyyən edilib.