Gürcüstan prezidenti fövqəladə vəziyyətin müddətinin uzadılmasını dəstəklədi

Gürcüstan prezidenti Salome Zurabişvili koronavirusla bağlı ölkədə elan edilən fövqəladə vəziyyətin mayın 10-dək uzadılmasını dəstəkləyib.

“Report”un yerli bürosu xəbər verir ki, dövlət başçısı bununla bağlı müvafiq sərəncam imzalayıb.

Prezident ölkə vətəndaşlarına müraciət edərək onları evdə qalmağa, tələb və tövsiyələrə əməl etməyə çağırıb.

Qeyd edək ki, Gürcüstanda bu günə qədər koronavirus 370 nəfərdə təsdiqlənib. Onların 79-u sağalıb, 3-ü isə dünyasını dəyişib.