​Gürcüstan gömrükçüləri İrana məxsus yük maşınından 178 kq heroin aşkarlayıb

Bakı. 13 iyun. REPORT.AZ/ Gürcüstan gömrükçüləri İrandan gələn yük maşınından 178 kiloqram heroin aşkar ediblər.

"Report" xəbər verir ki, bu barədə "Rustavi-2" telekanalı məlumat yayıb.

İnformasiyaya əsasən, avtomobil İrandan Azərbaycana, buradan Gürcüstan və Ukraynadan keçərək Hollandiyaya gedəcəkmiş.

Hadisə ilə bağlı əlavə məlumat yayılmayıb. Gürcüstan Daxili İşlər Nazirliyi cinayət işini araşdırır.